Quen Somos
Os nosos inicios
A rede NOR-WATER naceu no ano 2020 como parte do proxecto transfronteirizo NOR-WATER (2019-2021), centrado nos contaminantes emerxentes (CECs) nas augas de Galicia e do Norte de Portugal, coordinado por CIIMAR e financiado polo programa POCTEP 2014-2020.
Actualmente, a rede refórzase a través do proxecto BlueWWater (2023-2026), centrado nos microplásticos e contaminantes emerxentes en augas residuais e no medio costeiro transfronteirizo. O proxecto está coordinado por CETMAR e financiado polo programa Interreg VI-A España-Portugal (POCTEP) 2021-2027.
Identificamos retos na xestión de contaminantes emerxentes nas masas de auga superficiais e transformámolos en oportunidades de innovación e desenvolvemento tecnolóxico, promovendo a colaboración público-privada.
Obxectivos principais da rede
Fomentar a colaboración entre a investigación, a administración e a industria na detección e xestión dos CECs.
Recompilar, actualizar e difundir información relevante, recursos e documentación sobre os CECs.
Crear un mapa de coñecemento, experiencia e capacidades para optimizar a prevención e mitigación da contaminación das masas de auga.
Identificar lagoas, necesidades e prioridades, e establecer mecanismos para promover iniciativas e desenvolvementos tecnolóxicos.
Ámbito de actuación
A Rede NOR-WATER opera na Eurorrexión Galicia–Norte de Portugal, grazas ao apoio dos proxectos NOR-WATER (POCTEP 2014-2020) e BlueWWater (POCTEP 2021-2027).
Co obxectivo de fortalecer a colaboración transfronteiriza, a rede planea expandirse a outras rexións de España, Portugal e países de fala hispana e lusófona.
Estrutura organizativa da Rede
Integrado polos socios do proxecto BlueWWater (moitos deles tamén participaron no proxecto NOR-WATER no que se puxo en marcha a rede). Inclúe representantes dos catro eixos da hélice cuádrupla: Academia, Sector empresarial, Administración pública e Sociedade civil.
Actuará como órgano asesor, proporcionando orientación estratéxica e técnica. Aprobará a estratexia, os obxectivos e o plan de actividades da rede, e proporá actuacións cando o considere oportuno. Encargarase de facer o seguimento, avaliar e validar as propostas das liñas de traballo e participará activamente nas relacións exteriores e nas accións de comunicación e difusión da rede.
A Secretaría Técnica da rede está xestionada polo Centro Tecnolóxico do Mar – Fundación CETMAR, que á súa vez actúa como coordinador do proxecto BlueWWater.
É responsable da elaboración da estratexia, obxectivos e plan de actividades da rede, da súa validación co Consello Xestor e da xestión administrativa e documental da rede.
As súas funcións principais son a coordinación xeral da rede, organización de reunións, obradoiros e eventos, comunicación e difusión, apoio ás propostas e liñas de traballo da rede, establecemento de colaboracións e sinerxías con outras iniciativas relacionadas, e será o interlocutor cos membros da rede.
As actividades da rede estruturaranse en liñas estratéxicas que abordarán temáticas para identificar capacidades e necesidades, así como afrontar retos relacionados cos contaminantes emerxentes. Para máis información consulte a sección “Liñas estratéxicas”.
Financiamento
A rede NOR-WATER foi creada no marco do proxecto NOR-WATER (Programa de Cooperación Transfronteiriza Galicia – Norte de Portugal – POCTEP 2014-2020) e está actualmente cofinanciada pola Unión Europea a través do proxecto BlueWWater.
Acrónimo: BlueWWater
Título: Control, tratamento e redución de microplásticos e contaminantes emerxentes en augas residuais urbanas e no medio costeiro transfronteirizo
Programa: Programa de Cooperación Transfronteiriza Galicia–Norte de Portugal (POCTEP) 2021–2027. Prioridade: P4 – Protexer e conservar a biodiversidade nos espazos naturais e rurais e valorizar os ecosistemas naturais e o medio urbano do espazo transfronteirizo
Orzamento: 1.357.053,57 €
Financiamento UE: 1.017.790,19 €
Duración: 09/2023 – 08/2026